Yekaterinburqun Koltsovo hava limanında gömrükçülər Bakıdan gələn 29 yaşlı bərbəri saxlayıblar.
Onun salonuna gətirməyi planlaşdırdığı bəyan edilməmiş ülgüclər və digər avadanlıqları aşkar edilib.
Məlumata görə, sərnişin "yaşıl dəhliz"dən keçərkən gömrükçülər onun baqajında ümumi çəkisi 5 kq-dan çox olan saç kəsən maşınlar və mumu qızdırmaq üçün qab aşkar edib. Sərnişin mallara dair bəyannamə doldurmadığını və gömrük qaydalarını tanımadığını bildirib.
Bərbər barəsində İnzibati Xətalar Məcəlləsinin 16.2-ci maddəsi (malların bəyan edilməməsi) üzrə inzibati iş açılıb./Milli.az/
