Dekabrda Almaniya kansleri Olaf Şolts almaniyalı siyasətçilərin reytinqində çox aşağı yer tutub.
Musavat.com xəbər verir ki, bu barədə “Der Spiegel” nəşri yazıb.
Bildirilir ki, Almaniyanın “Verian” şirkəti jurnal üçün reytinq cədvəli hazırlayıb. Əldə edilən məlumatlara görə, Şolts 14 faiz itirərək 20 siyasətçidən ibarət siyahının ikinci yarısına (14-cü yer) düşüb.
Bundan əlavə, hakim koalisiya nümayəndələri arasında Almaniyanın xarici işlər naziri Annalena Barbok və Almaniyanın daxili işlər naziri Nensi Feserin (hər birində mənfi 4 faiz) məmnunluq səviyyəsi aşağı düşüb.
Bununla belə, Almaniyanın müdafiə naziri Boris Pistoriusun reytinqi dəyişməyib. Nazir federal prezident Frank-Valter Ştaynmayerdən sonra siyahıdakı ikinci yeri qoruyub.
Musavat.com
