Somalili FIFA hakimi Ömər Əbdülqadir Artanın ABŞ-yə buraxılmaması və geri qaytarılması qalmaqal doğurub.
Artan Mayamiyə Türkiyədən uçub. O, hava limanında əlavə yoxlamadan keçirilib. Yoxlamadan sonra somalili referinin ölkəyə girişinə icazə verilməyib.
Ömər Artan dünya çempionatında iştirak edən ilk somalili hakim olmaq şansını itirib. O, Afrikanın ən yaxşı hakimi seçilmişdi. Onun fəaliyyətini hətta FIFA Hakimlər Komitəsinin sədri Pyerluici Kollina da yüksək qiymətləndirib. pizza
FIFA məsələ ilə bağlı açıqlamasında hakimin DÇ-də iştirak etməyəcəyini təsdiqləyib və viza-miqrasiya prosedurlarının ev sahibi ölkənin səlahiyyətində olduğunu bildirib.
ABŞ tərəfi isə Artanın statusunun dəyişdirilməyəcəyini açıqlayıb./yenisabah/
