Bu gün saat 12 radələrində Bakıda ağır yol qəzası baş verib.
Musavat.com Qafqazinfo-ya istinadla xəbər verir ki, aeroport yolu kimi tanınan şossedə “Baku Electronics” şirkətinə məxsus yük avtomobili digər bir özəl şirkətə aid “Ford” markalı yük avtomobili ilə toqquşub. Nəticədə sonuncunun sürücüsü, 40-45 yaş arasında olan Zahir adlı şəxs aldığı xəsarətlərdən vəfat edib.
Hadisədən sonra yolda sıxlıq yaranıb.
Faktla bağlı araşdırma aparılır.
