Abşeron rayonu Xocəsən qəsəbəsində yol-nəqliyyat hadisəsi baş verib.
Bu barədə görüntülər sosial şəbəkələrdə yayılıb.
Belə ki, yük maşını yoldakı beton arakəsməyə çırpılıb.
Hadisə zamanı xəsarət alanın olub-olmaması bilinmir. Qəza nəticəsində nəqliyyat vasitəsinə və yol təsərrüfatına ciddi maddi ziyan dəyib.
Daxili İşlər Nazirliyinin Baş Dövlət Yol Polisi İdarəsinin şöbə rəisi Rövşən Tağıyev Oxu.Az-a açıqlamasında bildirib ki, “Mersedes” markalı yük avtomobilinin sürücüsü idarəetməni itirib və beton arakəsməyə çırpılıb:
“Hadisə bu gün saat 08:00 radələrində baş verib. İlkin ehtimallara görə, o yuxulu olub. Bir daha sürücülərdən xahiş edirik ki, yola çıxmadan istirahət rejimlərinə əməl etsinlər. Özləri ilə yanaşı, digər yol-hərəkət iştirakçılarının həyat və sağlamlığını təhlükə altına atmasınlar”.
