ABŞ və İran rəsmiləri Hörmüz boğazı ilə bağlı fikir ayrılıqlarını həll etmək üçün 30 iyunda Dohada hücumları dayandırmaq və məsləhətləşmələr aparmaq barədə razılığa gəliblər.
Musavat.com xəbər verir ki, məlumatı "Axios" qəzetinin jurnalisti Barak Ravid öz mənbələrinə istinadən yayıb: "ABŞ-ın yüksək vəzifəli rəsmisinin sözlərinə görə, ABŞ və İran bir-birinə hücumları dayandırmaq barədə razılığa gəliblər, çünki hər iki tərəf çərşənbə axşamı Qətərin paytaxtında Hörmüz boğazı ilə bağlı fikir ayrılıqlarını həll etmək üçün görüşməyi planlaşdırır".
Ravidin mənbələrindən birinin məlumatına görə, iki tərəf əvvəlcə İranın nüvə proqramını müzakirə etmək üçün çərşənbə axşamı İsveçrədə məsləhətləşmələr keçirməyi planlaşdırırdılar. Lakin son günlərdə vəziyyətin gərginləşməsi səbəbindən ABŞ və İran danışıqların yerini və diqqət mərkəzini dəyişdirmək qərarına gəliblər.
ABŞ mənbəsi əlavə edib ki, ABŞ texniki qrupunun rəhbəri Nik Stüart məsləhətləşmələrdə iştirak edəcək.
"The New York Times" (NYT) qəzeti də yayıb ki, zərbə mübadiləsinə baxmayaraq, texniki danışıqlar hələ də ABŞ və İranın qarşıdakı günlər üçün gündəmindədir. Bundan əlavə, qəzet qeyd edir ki, ABŞ və İran münaqişələrin aradan qaldırılması kanalları vasitəsilə mesaj mübadiləsi aparmağa davam edirlər.
Musavat.com
