Daşnaksütyun millətçi təşkilatının üzvü, Qazaxıstan vətəndaşı olan erməni əsilli Vartanyan Zoya Kamoevna Qazaxıstanın hüquq-mühafizə orqanlarında dəstəkçiləri vasitəsilə ölkədə yaşayan azərbaycanlılarla bağlı Daxili İşlər Nazirliyinin məlumat bazasından məlumat sızdırıb.
Musavat.com xəbər verir ki, bu barədə "Bez Tormozov" telegram kanalı məlumat yayıb.
Qeyd edilib ki, Vartanyan açıq şəkildə bütün azərbaycanlıların öldürülməsinə çağırış edib.
Bundan əlavə qeyd edilib ki, o, sosial şəbəkələrdə gürcülərə və azərbaycanlılara qarşı təhqiramiz materiallar paylaşır, nifrət və etnik ayrı-seçkilik toxumu səpir. Bu da xalqlar arasında gərginliyə səbəb ola bilər.
"Qazaxıstan Respublikasının qanunlarına uyğun olaraq müvafiq tədbirlərin görülməsini xahiş edirik" -, deyə paylaşımda qeyd edilib.
Toğrul İSMAYIL,
Musavat.com
