Yunanıstanın keçmiş müdafiə naziri və Baş Qərargahın fəxri rəisi Evangelos Apostolakis diqqət çəkən bir çıxış edib.
Musavat.com xəbər verir ki, Türkiyə ilə Yunanıstan arasında baş verəcək ən pis ssenariyə hazır olmağın lazım olduğunu vurğulayan Apostolakis "Müharibəyə doğru gedirik",- deyə bildirib.
Qeyd edək ki, Türkiyə ilə Yunanıstan arasında son aylarda gərginlik davam edir.
Yunanıstanın keçmiş müdafiə naziri və Baş Qərargahın fəxri rəisi Evangelos Apostolakis bu fikirləri iştirak etdiyi bir tədbirdə deyib. İki ölkə arasında ən pis ssenariyə hazır olmaq lazım olduğunu və bu gərginliyin müharibəyə səbəb ola biləcəyini ifadə edən Apostolakis "Yunan xalqı tarix boyu qarşılaşdığı çətinliklərə cavab verib. Hər kəs, dostlarımız və müxalifət bunun fərqində olmalıdır. Müharibə riskinə hazır olmalıyıq”, -deyə qeyd edib.
Musavat.com
