Son kitabı çıxandan dərhal sonra Moskvada prestijli oteldə intihar edən fantastika yazıçısı Andrey Jiliçlə bağlı faciənin təfərrüatları üzə çıxıb.
Lent.az-ın xarici mediaya istinadla xəbərinə görə, 33 yaşlı Jiliç dekabrın 25-də bir gecənin pulunu ödəyərək “Avropa” meydanındakı otelə daxil olub. Otağa girib, heç oradan çıxmayıb. Ertəsi gün otel işçiləri ziyarətçi ilə əlaqə yarada bilməyəndə otağı içəridən bağlamaq üçün istifadə edilən zənciri kəsərək qapını açmağa qərar veriblər. Onlar qonağın cansız cəsədini hamamda yerdə tapıblar.
Bu yaxınlarda Jiliç yaxın dostu və nənəsinin ölümündən çox narahat olub. Bundan əlavə, ad günündən əvvəl (dekabrın 31-dən), dostların dediyinə görə, gənc oğlan tez-tez intihar düşüncələri keçirib. Jiliçin praktiki olaraq heç bir dostu olmayıb, atası 11 il əvvəl ölüb və uzun müddət davam edən münaqişə səbəbindən anası ilə 5 ildən çox ünsiyyət qurmayıb.
Noyabr ayında ixtisasca İT mühəndisi işini tərk etməli olub və bu, onun emosional vəziyyətinə mənfi təsir edib. O, bütün boş vaxtını ölümündən iki gün əvvəl internetdə yerləşdirdiyi son kitabını yazmağa həsr edib.
Andrey Jiliç sosial və elmi fantastika janrında kitabların müəllifidir. Onun bir neçə hekayələr toplusu və iki elmi-fantastik romanı - “Pauza” və “Sonuncu pauza” nəşr olunub.
