Məşhur aktyorların var-dövləti və hər bölüm üçün nə qədər qazandıqları həmişə maraq mövzusu olub. Dəbdəbəli həyatları ilə diqqət çəkən 5 aktyorun sərvəti bəlli olub.
Musavat.com xəbər verir ki, dünyaca məşhur ulduzların sərvətlərini açıqlayan "Celebsrevealed.com"da Türkiyənin ən zəngin 5 aktyoru yer alıb.
Sayt bu dəfə türk aktyorların sərvətini açıqlayıb.
Serenay Sarıkaya
"Lale Devri", "Medcezir", "Fi" və son olaraq "Aile" kimi seriallarda rol alan Serenay Sarıkaya siyahıda beşinci yerdə qərarlaşıb.
Sarıkayanın sərvəti 186 milyon TL-dir.
Hande Erçel
Hakan Sabancı ilə sevgili olan Hande Erçel siyahının dördüncü pilləsində qərarlaşıb.
Hande Erçel 249 milyon TL sərvətə sahibdir.
Can Yaman
Siyahıda üçüncü yerdə isə Can Yaman yer alıb.
Hazırda aktyorluq karyerasını İtaliyada davam etdirən Yamanın sərvəti 10 milyon dollardır.
Məryəm Uzərli
Siyahının ikinci pilləsində “Muhteşem Yüzyıl” serialı ilə adından söz etdirən aktrisa Meryem Üzərli qərarlaşıb.
Üzərlinin sərvəti 10 milyon dollardır.
Kıvanç Tatlıtuğ
Sonuncu dəfə “Aile” serialında çəkilən yaraşıqlı aktyor Kıvanç Tatlıtuğun 15 milyon dollar sərvəti var.
O, serial və filmlərlə yanaşı, bir çox reklamlarda da rol alır.
Musavat.com
