Türkiyədə sosial şəbəkə izləyicilərindən biri məscidin bara çevrilməsi ilə bağlı video paylaşıb.
Musavat.com məsələni dəqiqləşdirmək üçün kiçik araşdırma aparıb.
İlk baxışdan tikilinin görüntüsü Osmanlı dönəmlərində tikilən çeşməni xatırladır ki, İstanbulda buna bənzər memarlıq nümunəsinə çox rast gəlinir. Lakin videoda göründüyü kimi, məkan Antalyada məşhur hotellərin biri olan "Swandor Hotels & Resorts Topkapı Palace" adlı məkandır.
Adından da göründüyü kimi, memarlıq nümunəsi Topkapı Sarayından ilhamlanaraq tikilib. Amma barın məhz müqəddəs çeşmə şəklində tikilməsi diqqət çəkir.
Musavat.com
