Türkiyədə səhiyyə işçisini döyən şəxslər saxlanılıblar.
Musavat.com xəbər verir ki, hadisə Türkiyənin İzmir şəhərində baş verib.
İzmirin Torbalı rayonunda iş saatı bitdikdən sonra evinə gedən həkim Ekin Hürel Günayı üç qardaş döyüb. Saxlanılan Sərvət A., Fikrət A. və Sedat A. məhkəmə qarşısına çıxarıldıqdan sonra həb ediiblər.
İddiaya görə, avqustun 22-də Torbalı 5 saylı Ailə Sağlamlığı Mərkəzinə gələn xəstə ilə əlil olduğu öyrənilən həkim arasında mübahisə düşüb. Bu vaxt müzakirəyə son qoymaq üçün mərkəzdəki digər həkim Ekin Hürel Günay da müdaxilə edib. Müzakirənin davamından sonra Ekin Hürelağ mübahisənin bitməsi üçün hadisə yerinə polis çağırıb. Ailə Sağlamlığı Mərkəzinə gələn polis qrupları mübahisəni bitirib. Hadisədən təxminən 2 ay sonra işi bitdikdən sonra evə gedərkən maşını ilə çörək sexinin qarşısında dayanan həkim Ekin Hürel Günay maşından düşərkən 3 nəfərin dəyənəklə hücumuna məruz qalıb.
Günaya dəyənəklərlə hücum edən 3 nəfər ətrafdakıların müdaxiləsindən sonra hadisə yerindən qaçıb. Vətəndaşların vəziyyəti bildirməsindən sonra hadisə yerinə gələn təcili yardım həkimi Torbalı Dövlət Xəstəxanasına aparıb.
Polis hadisədə əli olduğu iddia edilən və qardaş olduqları öyrənilən Sedat A., Fikrət A. və Sərvət A.-nı həbs edib. Xəstəxanada müalicəsi başa çatan Günay isə dünən evə buraxılıb.
Musavat.com
