Türkiyənin Hatay vilayətində ağır yol-nəqliyyat hadisəsində 12 nəfər ölüb.
Bu barədə ölkənin səhiyyə naziri Fahrettin Koca tviter hesabında yazıb.
Nazir qeyd edib ki, zəncirvari qəzada 31 nəfər xəsarət alıb. Onlardan 3-nün vəziyyəti ağırdır. Hadisə yerinə 22 təcili yardım maşını cəlb edilib.
Qeyd edək ki, yük avtomobili əsgərləri yola salan izdihama çırpılıb. Yaxınlıqda olan iki mikroavtobus da zərbənin təsirindən yanmağa başlayıb.
****
Türkiyənin Hatay vilayətində ağır yol-nəqliyyat hadisəsi baş verib, ilkin məlumata görə, altı nəfər ölüb, 30-dan çox yaralı var.
Musavat.com "Haber Global"a istinadən xəbər verir ki, hadisə Belen rayonunda qeydə alınıb.
Yük avtomobili əsgərləri yola salan izdihamın içərisinə çırpılıb. Yaxınlıqda olan iki mikroavtobus da zərbənin təsirindən yanmağa başlayıb.
Ümumilikdə qəza zamanı 12 avtomobilə ziyan dəyib.
