Türkiyə turizm sənayesinin nümayəndələri hotellərdə tətbiq olunan “hər şey daxil” (all inclusive) formatının turistin hansı yemək və içkilərə pul ödəyəcəyini özü seçəcəyi formatla əvəz olunmasını təklif edirlər.
Musavat.com-un xəbərinə görə, bu barədə məlumat verən Aralıq dənizi Otelçilər və Operatorlar Assosiasiyasının rəhbəri Kaan Kavaloğlunun sözlərinə görə, yeni format əsasən əcnəbilər arasında qurulmuş və populyar sistem qalacaq.
“Turizm Gazetesi”nə danışan iş adamı bu təşəbbüsə zərurəti Türkiyənin çətin iqtisadi durumunda xərclərin artması, eyni zamanda turistlər üçün qiymət üstünlüyü ilə yeni xidmət növlərinin yaradılması ilə əsaslandırır. Onun dediyinə görə, “İstifadə etdiyinizi ödəyin” kod adı ilə təklif olunan model, ilk növbədə, alkoqolsuz hər şey daxil formatına yönəlib və o, bu sistemin bir parçası olacaq.
Qeyd edək ki, Türkiyədə alkoqolsuz hər şey daxil sistemi olan hotellər var. Son illərdə Rusiya bazarı da daxil olmaqla, əsasən ailə tətillərinə yönəlmiş alkoqolsuz hər şey daxil turlar da satılır. Türkiyə Səyahət Agentlikləri Assosiasiyasından TASS-a verilən məlumata görə, belə turizm məhsulu kütləvi deyil və artıq qurulmuş sistemə alternativ olmayacaq: “Bu, seçim məsələsidir, kimsə tətilin halal formatını istəyir, kimsə ənənəviyə üstünlük verir. Seçim hüququ turu alanlarda qalmalıdır”.
Tur operatorlarının fikrincə, Türkiyəyə alkoqolsuz hər şey daxil turlar adi haldan 7-10 faiz ucuzdur. “İstifadə etdiyiniz qədər ödəyin” formatının ənənəvi paketlərdən nə qədər qənaətcil olacağı barədə isə məlumat verilmir.
Musavat.com
