Müğənni və aktrisa Bette Midler 1984-cü ildən bəri evli olduğu Martin fon Haselberqlə bağlı maraqlı açıqlaması ilə gündəmə gəlib.
78 yaşlı aktrisa 40 illik evliliyinin sirrini "Entertainment Tonight"a açıb.
O, tanış olduqdan cəmi altı həftə sonra evləndiklərini, buna baxmayaraq, 40 ildir birlikdə yaşaya bildiklərini diqqətə çatdırıb.
Ulduz uzun evliliyin sirrinin əri ilə fərqli yataq otaqlarında yatmaq olduğunu söyləyib. Onun sözlərinə görə, münasibətlərinin ilk dövründən bəri onlar ayrı yataq otaqlarında yatıblar. Midler bunun səbəbini zarafatla belə izah edib: "Ərim xoruldayır". (Publika.az)
