Xəbər verdiyimiz kimi, Pakistan Müdafiə Nazirliyi iki ölkə arasında gərginliyin kəskin artmasından sonra Əfqanıstana qarşı müharibə vəziyyətinin elan edildiyini açıqlayıb.
Musavat.com bildirir ki, nazirliyin yaydığı bəyanatda “Səbrimiz tükəndi. Əfqanıstanla açıq müharibəyə girdik” ifadəsi yer alıb.
Məlumata görə, Pakistan ilə Əfqanıstan arasındakı sərhəd sayılan Durand Xətti boyunca baş verən qarşılıqlı hücumlar vəziyyəti daha da gərginləşdirib.
Toqquşmalardan sonra Pakistanın müdafiə naziri Xavaca Məhəmməd Asif də iki ölkə arasında artıq açıq müharibə vəziyyətinin yarandığını bildirib.
İran Əfqanıstan və Pakistan arasındakı münaqişənin həllinə töhfə verməyə hazırdır.
Axar.az xəbər verir ki, bunu İran xarici işlər naziri Abbas Arakçı deyib.
Qeyd edək ki, Pakistan və Əfqanıstan arasında qarşıdurma yaşanır, indiyədək onlarla hərbçi həlak olub.
Gündəmdəki bir çox xəbərləri aparıcı Sevinc Telmanqızının təqdimatındakı “Canlı debat” verilişində izləyə bilərsiz. Qonağımız siyasi ekspert Elçin Alıoğludur. Müzakirədə tamaşaçılarımız da iştirak edə bilər.
