HƏMAS liderlərindən olan Musa Əbu Mərzuk təşkilatın oktyabrın 7-də İsraildə həyata keçirdiyi hücumlarda mülki vətəndaşları öldürdüyünü təkzib edib.
Musavat.com xəbər verir ki, o bu barədə BBC-yə açıqlamasında deyib.
Yalnız məcburi hərbi xidmət keçənlərin hədəf alındığını bildirən Əbu Merzuk HƏMAS-ın qadın, uşaq və mülki şəxslərə hücum etmədiyini deyib.
"Girovları azad edəcəyik, amma əvvəlcə toqquşmalar dayandırılmalıdır. İsraillilər döyüşlərə son qoysalar, girovları Qırmızı Xaça verə bilərik" - deyən HƏMAS lideri “qonaq” adlandırdığı girovların adlarını əks etdirən siyahının əlində olmadığını, əksəriyyətinin harada olduğunu bilmədiyini qeyd edib.
İsrailin baş naziri Benyamin Netanyahu da bildirib ki, müvəqqəti atəşkəsdən əvvəl bütün girovlar azad edilməlidir.
Musavat.com
