Səudiyyə Ərəbistanının kralı Salman bin Əbdüləziz Əl Səud bazar günü ağciyər sətəlcəmi səbəbiylə xəstəxanaya yerləşdirilib.
Musavat.com xəbər verir ki, krallığın vəliəhd şahzadəsi Məhəmməd bin Salman əmin edib ki, onun səhhəti narahatlıq doğurmur.
Vəliəhd kralın yerinə bu gün Nazirlər Kabinetinin iclasına sədrlik edib. İclasla bağlı ölkənin rəsmi telekanalı məlumat yayıb: “Əlahəzrət Vəliəhd hər kəsi iki müqəddəs ziyarətgahın mühafizəçisinin sağlam olduğuna əmin edir və iki ziyarətgahın mühafizəçisinin sağlamlığından narahat olan hər kəsə minnətdarlığını bildirir, Uca Tanrıdan iki müqəddəs ziyarətgahın qəyyumuna sürətli sağalma və rifah nəsib etməsi üçün dua edir”.
Ötən bazar günü Səudiyyə monarxının ofisi bildirib ki, kral yüksək hərarət və oynaq ağrıları səbəbindən müayinə üçün Ciddədəki xəstəxanaya yerləşdirilib. Daha sonra həkimlər Al Səudun sətəlcəm xəstəliyindən əziyyət çəkdiyini açıqlayıblar.
Musavat.com
