Səhər yeməyində tez-tez ət yemək ürək xəstəliyi riskini artırır.
Bunu “HealthNews”a amerikalı dietoloq Şerri Kollinz deyib.
O, səhər yeməyində davamlı olaraq ət və yumurta yeməyin yüksək doymuş yağ tərkibinə görə, ürək xəstəliyi riskini artıracağı barədə xəbərdarlıq edib.
Həkim izah edib ki, ilk yemək kimi yumurta və ətin arada bir yeyilməsi sağlamlıq üçün təhlükə yaratmır:
“Bu qidaların tərkibində zülal, dəmir və minerallar kimi bir çox faydalı komponentlər var. Bununla belə, bu məhsulların həddindən artıq istehlakı təhlükəli ola bilər”.
Dietoloqun sözlərinə görə, yüksək zülallı qidaların tərkibində az miqdarda lif, polifenollar (hüceyrələri zədələnmədən qoruyan birləşmələr), beyni və bütün bədəni enerji ilə təmin edən karbohidratlar var.
“Ancaq ət və yumurta həm də doymuş yağlarla zəngindir, onların artıqlığı qanda xolesterinin səviyyəsini yüksəldə bilər. Yüksək xolesterol qan damarlarının elastikliyinin azalmasına və qan laxtalarının meydana gəlməsinə səbəb olur. Bu amillər hipertoniya, infarkt və insult kimi ürək-damar xəstəliklərinin provokatoru kimi çıxış edir”, - deyə həkim diqqətə çatdırıb.
Onun sözlərinə görə, doymuş yağlar gündəlik kalorilərin 5-6%-dən çoxunu təşkil etməməlidir.
“Ət və yumurtadan ibarət səhər yeməyi isə bu növ yağ üçün gündəlik tələbatın təxminən 75%-ni ödəyir. Gün ərzində doymuş yağ ehtiva edən digər qidaları yesəniz, həddi keçmiş olacaqsınız”, - deyə dietoloq vurğulayıb.//Medicina.az
