2024-cü ilin yanvar-may aylarında Rusiyanın xarici ticarət balansının müsbət saldosu 2023-cü ilin eyni dövrü ilə müqayisədə 16,3 faiz artaraq 64,3 milyard dollar təşkil edib.
Musavat.com xəbər verir ki, bu, Rusiya Federal Gömrük Xidmətinin (FCS) ixrac və idxalla bağlı statistikasından aydın olur.
Statistikaya əsasən 2024-cü ilin yanvar-may aylarında Rusiyadan ixrac illik ifadədə 0,6 faiz azalaraq 172,1 milyard dollara, idxal isə 8,5 faiz azalaraq 107,8 milyard dollara düşüb.
2023-cü ilin yanvar-may ayları üçün Federal Gömrük Xidmətinin məlumatına görə, xarici ticarətin müsbət saldosu 55,3 milyard dollar, o cümlədən ixrac - 173,1 milyard dollar, idxal - 117,8 milyard dollar təşkil edib.
2024-cü ilin yanvar-may aylarında Rusiyadan Avropaya ixrac 37,4 faiz azalaraq 26,0 milyard dollar, Asiyaya 10,1 faiz artaraq 130,4 milyard dollar, Afrikaya 21,2 faiz artaraq 9,9 milyard dollar, Amerikaya 15,7 faiz artaraq 5,7 milyard dollar təşkil edib.
2024-cü ilin yanvar-may aylarında Avropadan Rusiyaya idxal 16,6 faiz azalaraq 28,5 milyard dollar, Asiyadan 4,1 faiz azalaraq 71,8 milyard dollar, Afrikadan 2,6 faiz azalaraq 1,5 milyard dollar, Amerikadan 17,3 faiz azalaraq 5,8 milyard dollar təşkil edib.
Musavat.com
