Rusiyanın xarici işlər naziri Sergey Lavrov Qətərdə keçirilən Doha Forumunda videokonfrans vasitəsilə iştirak edib.
Musavat.com xəbər verir ki, Lavrov İsrailin Qəzza zolağına hücumlarından danışıb.
“Biz humanitar atəşkəsin təmin edilməsi məqsədilə siyasi təzyiqi davam etdirmək üçün əlimizdən gələni etməliyik. Diplomatiyaya həmişə ümid var. Bu, indiki zorakılıq dalğasının başlanğıcından bəri etdiyimiz şeydir. Oktyabrın 7-də İsrailə qarşı törədilən terror aktlarını pislədik. Biz bu hadisədən milyonlarla fələstinlinin mülki şəxslərə qarşı ayrıseçkilik etmədən hücumlarla kollektiv şəkildə cəzalandırılmaq üçün istifadə edilməsini məqbul hesab etmirik” - o deyib.
Lavrov Rusiyanın Fələstin-İsrail münaqişəsinin sona çatması üçün səy göstərdiyini və bu mənada HƏMAS ilə də danışıqlar apardığını ifadə edib:
“HƏMAS oktyabrın 7-də hücum həyata keçirdi və biz bunu dərhal qınadıq. HƏMAS-ın Dohada siyasi qolu fəaliyyət göstərir. Bizim də həmin siyasi qolla əlaqələrimiz var və xalqın gələcəyini müzakirə etmək üçün Dohadakı insanlarla əlaqə saxlayırıq".
Musavat.com
