Rusiyada “Anqarsk manyakı” kimi tanınan keçmiş polis əməkdaşı Mixail Popkovu daha 50 qətldə iştirakına görə sınaqdan keçirmək qərarına gəliblər.
Musavat.com xarici mediaya istinadla xəbər verir ki, Popkov bütün bu cinayətləri Uzaq Şərq Federal Dairəsinin ərazisində - Vladivostokdan Ulan-Udeyə qədər geniş bir ərazidə törədib.
Medianın verdiyi məlumata görə, manyak eyni vaxtda iki-üç yeni cinayət törətdiyini etiraf edir ki, istintaq zamanı xüsusi rejimli koloniyadan istintaq təcridxanasına köçürülsün. Burada nəzarət sərt deyil və bu, onun taktikasıdır.
Mixail Popkov artıq 83 qətlə görə iki dəfə ömürlük azadlıqdan məhrum edilib. Manyak cəzasını xüsusi rejimli koloniyada çəkir.
Bu yaxınlarda İrkutsk məhkəməsi onu daha bir iş üzrə on il müddətinə azadlıqdan məhrum edib.
“Anqarsk manyakı” arvadının onu aldatmasından sonra qadınlara qarşı sərt addımlar atmağa başlayıb. O, ilk cinayətlərini 1992-ci ildə törədib. Axşamlar manyak qaynar nöqtələrdə rastlaşdığı fahişələrə və adi qızlara evə maşınla getməyi təklif edib və onlardan qisas alıb.
Popkov qadınlarla görüşüb, zorlayıb, sonra isə onları bıçaqlayıb, küt alətlə öldürüb və ya ilgəklə boğub. Məlumata görə, o, cinayətlərin bəzilərini polis geyimində, xidməti avtomobildə olarkən törədib.
O, 20 il sonra DNT testi sayəsində tutulub. Popkov etiraf edib ki, qadınlara qarşı hücumları yalnız zöhrəvi xəstəlik səbəbindən inkişaf edən impotensiyaya görə dayandırıb.
Musavat.com
