Səudiyyə Ərəbistanı çempionatının sonuncu - 34-cü turunun oyunu “Əl-Nəsr” və “Əl-İttihad” komandaları arasında baş tutan prinsipial oyunla əlamətdar olub.
Kriştianu Ronaldonun çıxış etdiyi “Əl-Nəsr” 4:2 hesabı ilə matçdan qalib ayrılıb.
Portuqaliyalı ulduz forvard bu matçda dubla imza atıb. Bununla da o, mövsümün bombardiri olub. 35 qol həm də Səudiyyə Ərəbistanı liqasının rekordudur. Ronaldo həm də 4 müxtəlif çempionatda (La Liqa - 3 dəfə, A Seriyası, Premyer Liqa, Səudiyyə Ərəbistanı Liqası) bombardir olan ilk futbolçu kimi tarixə düşüb. (fanat.az)
