Fevralın 16-da həbsxanada ölən rusiyalı müxalifət lideri Aleksey Navalninin sağ əli kimi tanınan Leonid Volkov Litvada hücuma məruz qalıb.
Musavat.com bu barədə xarici mətbuata istinadən xəbər verir.
Bildirilir ki, naməlum şəxslər Volkova Vilnüsdəki evinin qarşısında çəkic və gözyaşardıcı qazla hücum edib, həyati təhlükə olmasa da, onun qolu sınıb, ayağından aldığı zərbələr nəticəsində yeriməyində çətinlik yaranıb.
Volkov özünə qarşı hücumu “Putinin aşkar, tipik qanqster salamı” kimi xarakterizə edib və bu hadisənin “siyasi motivli” olduğunu iddia edib.
Musavat.com
