Rusiya prezidenti Vladimir Putin Ermənistanın baş naziri Nikol Paşinyanın zənginə cavab verməyib. Bu barədə “Hraparak” nəşri Ermənistan hökumətindəki mənbələrə istinadən məlumat yayıb. Nəşr yazır ki, sentyabrın 9-da Paşinyan Putinə zəng edib, lakin Kremldə onun zənginə cavab verməyiblər.
“Paşinyan daha sonra Putinə uzun məktub yazıb, Putin isə son sözünü Vladivostok konfransında deyib. Paşinyan məktubunda Ermənistandakı anti-Rusiya kampaniyası ilə bağlı özünə haqq qazandırmağa, Rusiyaya qarşı olmadıqlarına inandırmağa çalışıb”, - nəşr qeyd edir.
Bu və gündəmdəki digər xəbərləri bu gün saat 13.25-də aparıcı Sevinc Telmanqızının təqdimatındakı “Canlı debat” verilişində politoloq İlyas Hüseynovla müzakirə edəcəyik. Müzakirədə tamaşaçılarımız da iştirak edə bilər.
