Türkiyənin xarici işlər naziri Hakan Fidan Rusiya prezidenti Vladimir Putinin Türkiyəyə səfəri ilə bağlı açıqlama verib.
Musavat.com xəbər verir ki, o, prezident Rəcəb Tayyib Ərdoğanın fevral ayında rusiyalı həmkarı Vladimir Putinlə görüşəcəyini bildirib.
H.Fidan terrorla mübarizə mövzusunun müzakirə ediləcəyini vurğulayıb.
"Fəratın qərbindəki bölgələrdə, xüsusilə Menbic və Tel Rifat bölgələrində PKK-ya göz yummamaq məsələsi bizim üçün önəmlidir. Oradakı Rusiya silahlı qüvvələri ilə bizim silahlı qüvvələrimiz arasında münaqişəsizlik mexanizmi var. Lakin bu mexanizm hər zaman çox yaxşı işləməyə bilər. Birinci prioritetimiz Fəratın şərqindən və qərbindən PKK təhlükəsini aradan qaldırmaqdır. Ruslar bu məsələdə bir mövqeyə gəliblər”.
Musavat.com
