Ermənistan baş naziri Nikol Paşinyan bəyan edib ki, ölkəsi Rusiya ilə münasibətləri pozmaq və ya Rusiya hərbi kontingentini ölkədən çıxarmaq niyyətində deyil.
Musavat.com xəbər verir ki, bu açıqlama onun Avropa İttifaqı ilə əməkdaşlıq barədə verdiyi bəyanatlardan sonra səslənib.
Paşinyan bildirib:
“Bəli, bizim parlament Avropa İttifaqına üzvlüklə bağlı qanun layihəsini qəbul edib və biz Aİ ilə çox sıx əməkdaşlıq qurmuşuq. Amma bu o demək deyil ki, biz Rusiya ilə münasibətləri pozmağa çalışırıq. Bizim xarici siyasətimiz tarazlaşdırılmış və çoxşaxəlidir. Bu, bizim strateji yanaşmamızdır”.
Musavat.com
