İsrail Qəzza zolağı üzərində inzibati nəzarət yaratmaq niyyətində deyil və anklavda hərbi əməliyyatlar başa çatdıqdan sonra hakimiyyəti yerli administrasiyaya verməyi planlaşdırır.
“Report” “The Jerusalem Post”a istinadən xəbər verir ki, belə bir planı müdafiə naziri Yoav Qalantın rəhbərlik etdiyi ölkənin hərbi rəhbərliyi hazırlayıb.
Plan Qəzzanın mövcud mülki inzibati strukturlarını döyüşlər başlamazdan əvvəl anklavda tam nəzarətə malik olan radikal Fələstin HƏMAS hərəkatının tərəfdarlarını daxil etməyəcək daha geniş yerli hökumətə birləşdirəcək.
Belə ki, HƏMAS Qəzzanı idarə etməyəcək, İsrail isə Qəzzada mülki idarəetməni həyata keçirməyəcək.
Müharibədən sonra strukturun formalaşması zamanı İsrail ordusu təhlükəsizlik nəzarətini, o cümlədən anklavın sərhədlərinə nəzarəti və onun daxilində reydlər keçirmək qabiliyyətini qoruyacaq.
Bu halda xarici qüvvələrin - ABŞ, Aİ ölkələri, ərəb dövlətlərinin bir hissəsi, o cümlədən Səudiyyə Ərəbistanı, Misir və BƏƏ-nin iştirakı gözlənilir. Onlar daxili təhlükəsizliyin təmin edilməsi və anklavın idarə olunması sahəsində fəaliyyətlə məşğul ola bilərlər.
