İstanbulda yük maşınının sürücüsü idarəetməni itirərək minik avtomobilinə çırpılıb.
Musavat.com xəbər verir ki, qəzadan sonra avtomobilin sürücüsü şoka düşüb.
Minik avtomobilin arxa oturacağında üzü örtülü qadın meyidinin aşkarlanması da qalmaqala səbəb olub. Vəziyyəti jandarma və təcili yardıma xəbər verən vətəndaşlar avtomobilin sürücüsünü sakitləşdirməyə çalışıb.
Jandarma qrupları yolda təhlükəsizlik tədbirləri görərkən, təcili yardım ilk müayinələrində qadının həyatını itirdiyini müəyyən edib. Sürücüyə isə hadisə yerində ilk müdaxiləni edən sağlamlıq qrupları onu müalicə altına almaq üçün xəstəxanaya aparıb.
Hadisədən sonra işə başlayan jandarma qrupları qadının qəza zamanı və ya daha əvvəl ölməsi barədə araşdırmalar aparılacağını bildirib. Tibbi ekspertiza araşdırmalarından sonra qadının hansı səbəbdən öldüyünü açıqlayacaq.
Musavat.com
