Sosial şəbəkələrdəki paylaşımları və açıqlamaları ilə tez-tez gündəmə gələn məşhur türkiyəli model Didem Soydan İstanbulda namizəd olan və seçkidə məğlub olan Murat Kuruma təşəkkür mesajı göndərib.
Musavat.com xəbər verir ki, gündəmi yaxından izlədiyini deyən Didem Soydan da seçki paylaşımı edib.
Didem Soydan Murat Kurumun şəklini paylaşaraq bunları yazıb: "Əsl təşəkkürlərim sizə və sizin adınıza həmfikir olanlaradır. Demək istədiyim odur ki, ey böyük insanlar, qarşı tərəfə bu qədərmi xidmət edirsiniz? Qəlbimdə hər zaman ayrı bir yerdə olacaqsınız və ayrıca olaraq sizin bığınız həqiqətən də sağ olsun".
Qeyd edək ki, İstanbul böyükşəhər bələdiyyə başçısı namizədi Murat Kurum seçkilərdə Əkrəm İmamoğluna məğlub olub.
Seçkidə məğlub olan Murat Kurum son paylaşımında bunları yazmışdı:
“Yenə millətimizin yanında olacağıq. Ümid edirəm ki, demokratik seçkilərimiz millətimizə, ölkəmizə, İstanbuldakı qardaşlarımıza xeyirli olacaq. İstanbullu Murat istanbullular üçün çalışmalarına davam edəcək. Millətimiz bizi harada görmək istəyirsə, biz də orada olub, üzərimizə düşəni edəcəyik”.
Musavat.com
