Türkiyənin tanınmış jurnalisti İsmail Küçükkayanın anası tətil üçün getdiyi Antalyada dünyasını dəyişib.
Musavat.com xəbər verir ki, bu barədə İHA məlumat yayıb.
Qeyd olunub ki, hadisə bu gün səhər saat 09:30 radələrində Antaliyanın Muratpaşa rayonunda yerləşən 5 ulduzlu otelin çimərliyində baş verib.
Belə ki, jurnalistin anası Halise Küçükkaya dənizdə keçirdiyi infarkt nəticəsində boğularaq dünyasını dəyişib. Xilasedicilər tərəfindən sahilə çıxarılan 76 yaşlı H.Küçükkayanın öldüyü müəyyən edilib.
Musavat.com