Martın 19-da Rusiyanın nəzarətində olan Ukraynanın Mariupol şəhərində üzərində Ermənistan və Dağıstan bayraqları olan “humanitar” yük maşınları görünüb.
APA-nın UNİAN-a istinadən verdiyi məlumata görə, bu barədə Mariupol merinin müşaviri Pyotr Andryuşşenko özünün Telegram kanalında bildirib. Onun sözlərinə görə, Rusiya prezidentinin səfərindən sonra dağıdılmış şəhərdə yük maşınları karvanının müşayiəti ilə müşahidə olunub.
“Metallurq prospektində İliç istiqamətində Ermənistan və Dağıstan bayraqları və “Humanitar missiya” yazısı olan dörd yük maşınından ibarət kolon qeydə alınıb” – müşavir yazıb.
