İyunun 13-də Belarus Prezidenti Aleksandr Lukaşenko iki yeni nazir və ölkənin bir neçə regionu yeni rəhbərlər təyin edib.
Musavat.com “Nezavasimaya qazet”ya istinadən xəbər verir ki, ən diqqətçəkən təyinat informasiya naziri postuna Marat Markovun gətirilməsidir. Bu vəzifə aprelin 8-dən- Vladimir Pertsov Prezident Administrasiyası rəhbərinin müavini təyin edəndən bəri boş idi. .Markov indiyədək “İkinci Milli Kanal” QSC-nin İdarə Heyətinə rəhbərlik edirdi və özünün “Markov. Şəxsi heç nə” müəllif proqramının aparıcı idi.
Markov Minsk Ali Mühəndis Məktəbini bitirib və 13 il Belarus ordusunda xidmət edib. Sonra hüquq fakültəsini bitirib və bir neçə il müəllim işləyib. Sonra Belarus Teleqraf Agentliyində, oradan Prezident Administrasiyasına keçib, burada baş ideoloji şöbə müdirinin birinci müavini vəzifəsinə gəlib. Son illər isə “İkinci Milli Kanal” QSC-nin İdarə Heyətinə rəhbərlik edirdi.
Nataliya Pavlyuçenko isə əmək və əhalinin sosial müdafiəsi naziri təyin edilib. Bir sıra rayon icraiyyə komitələrinin sədrləri, həmçinin Qırğızıstandakı səfir və Dubay və Sankt-Peterburqdakı baş konsul vəzifələrinə namizədlər də təsdiq edilib.
Prezident yeni əmək və əhalinin sosial müdafiəsi nazirinə çoxuşaqlı ailələrə dəstək sisteminin təkmilləşdirilməsi tapşırığını verib. O, Natalya Pavlyuçenkoya bunları deyib: “Heç kimə sirr deyil ki, çoxuşaqlı ailələrimiz var ki, ayrılan pul on lara çatmır: içkiyə və ya başqa şeyə xərcləyirlər. Ona görə də elə bir sistem lazımdır ki, ayrılan pul uşaqlara çatsın ”.
Lukaşenko rayonların yeni rəhbərlərinə də tapşırıqlar verib. “Mən həmişə deyirəm: siz öz ərazinizdə prezidentsiniz. Siz prosesi təşkil etməlisiniz, bütün proseslərə nəzarət etməlisiniz .Və təbii ki, təkcə iqtisadi deyil, həm də siyasi. Yeri gəlmişkən, siz insan haqlarına da cavabdehsiniz. Bizim ombudsmanımız yoxdur. Prezident və siz, mənim xalqım, insan hüquqlarına sadiqsiniz. Biz cəmiyyətdə lüzumsuz gərginlik yaratmamalıyıq, eyni zamanda qanunları pozanlar da azadlıq da olmamalıdır” deyə, o vurğulayıb.
Lukaşenko bir ildən sonra keçiriləcək prezident seçkiləri ərəfəsində rəsmilərdən soyuqqanlı və diqqətli olmağı tələb edib.
Musavat.com
