“Rusiya nə vaxt Belarusun bir hissəsi olacaq və ya əksinə, Belarus Rusiyanın bir hissəsi olacaq? Bunun yaxın gələcəkdə baş verməsi ehtimalı azdır”.
Musavat.com Lenta.ru-ya istinadla xəb ər verir ki, Belarus prezidenti Aleksandr Lukaşenko bu sözləri Rusiya parlamentinin yuxarı palatasının tribunasından bildirib.
Belarus prezidenti əlavə edib ki, belə olsa Moskva və Minsk iki dövlətin əvvəllər etdikləri hər şeyi “məhv edər”. "Biz sakit getməliyik, addım-addım getməliyik, indi etdiyimiz kimi addım-addım nəyisə həyata keçirməliyik", - Lukaşenko əlavə edib.
Bundan əvvəl Aleksandr Lukaşenko bildirib ki, Moskva və Minsk çətin anlarda birliyi qoruyub saxlaya biliblər. Onun sözlərinə görə, bu, Rusiya və Belarusun regional səviyyəsində görülən işlər sayəsində mümkün olub.
Musavat.com
