Goranboy rayonunda yetkinlik yaşına çatmayan qızın qaçırılması ilə bağlı polisə daxil olan müraciət əsasında araşdırmalar aparılıb.
Musavat.com xəbər verir ki, Daxili İşlər Nazirliyinin (DİN) Mətbuat Xidmətinin rəisi Elşad Hacıyev bildirib ki, polis əməkdaşlarının həyata keçirdiyi tədbirlər nəticəsində qaçırılan qız tapılaraq ailəsinə təhvil verilib.
Baş vermiş hadisə ilə bağlı cinayət işi açılıb. Fakt üzrə 31 yaşlı Orxan Hüseynzadə saxlanılıb və istintaqa təhvil verilib. Hazırda hüquq-mühafizə orqanları tərəfindən araşdırmalar davam etdirilir.
Qeyd edək ki, qanunvericiliyə əsasən, yetkinlik yaşına çatmayan şəxsin iradəsindən asılı olmayaraq zorla aparılması və ya razılığı olmadan hər hansı bir məqsədlə qaçırılması ağır cinayət hesab olunur. DİN və digər aidiyyəti qurumlar belə hallara qarşı ciddi mübarizə apardıqlarını bildirirlər.
Musavat.com
