Rusiyanın xarici işlər naziri Sergey Lavrov bu postda işləmə müddəti ilə bağlı sualı cavablandırarkən deyib ki, o, Rusiyaya nə qədər lazımdırsa, ona xidmət edəcək.
Musavat.com bildirir ki, bu barədə TASS xəbər yayıb.
“Niyə belə sual verdiyinizi həqiqətən başa düşə bilmirəm. Ölkəmin mənə ehtiyacı olduğu müddətcə ölkəmə xidmət edəcəyəm”, Lavrov Doha Forumu çərçivəsində onlayn çıxış edərkən deyib.
S.Lavrov 2004-cü ildən Rusiyanın xarici işlər naziri vəzifəsində çalışır. Bundan əvvəl o, 10 il Rusiya Federasiyasının BMT-dəki daimi nümayəndəsi olub.
Musavat.com
