İsveçrənin ən böyük siyasi qüvvəsi olan Xalq Partiyası (SVP), müdafiə naziri Viola Amherdi NATO-ya ölkəni inteqrasiya etməkdə günahlandırıb və onun istefasını tələb edib.
Musavat.com xəbər verir ki, partiya, həmçinin Amherdin Ukrayna ilə bağlı mövqeyini sərt tənqid edib.
Partiyanın rəsmi saytında yayımlanan bəyanatda qeyd olunur:
"Viola Amherd ordunun silahlanması ilə məşğul olmaq əvəzinə, gender məsələlərinə üstünlük verir. O, İsveçrə üçün sifariş edilən silahların Ukraynaya göndərilə biləcəyini nəzərdə tutur. Bu, səhv prioritetlərdir, xanım Amherd!"
Amherd 2024-cü ilin sonuna qədər İsveçrə Prezidenti vəzifəsini də icra edirdi. Lakin onun Ukraynaya hərbi dəstək məsələsindəki mövqeyi, xüsusilə də NATO ilə bağlı əlaqələr, müxalifət partiyası tərəfindən ciddi narazılıqla qarşılanır.
Xalq Partiyası İsveçrənin neytral statusuna zidd olan istənilən addımı qəbul edilməz hesab etdiyini vurğulayıb və hökuməti milli maraqları qorumağa çağırıb.
