Bazar ertəsi Qəzzada baş verən insident nəticəsində 9 İsrail əsgəri həlak olub, 8-i yaralanıb. Ölən əsgərlərdən 6-sı Qəzzanın mərkəzindəki əl-Bureyidə baş verən partlayış nəticəsində dünyasını dəyişib.
Musavat.com xəbər verir ki, İsrail mediasının dərc etdiyi yeni təfərrüatlara görə, çərşənbə axşamı İsrail atəşi tuneldə 6 İsrail Müdafiə Qüvvələri (İDF) əsgərini öldürən partlayışa səbəb olub.
Məlumata görə, Qəzzanın mərkəzində, Əl-Bureycdə bir yük maşını əsgərlərə partlayıcı maddələr daşıyıb. İsrail qüvvələri bundan HƏMAS-ın istehsal müəssisəsinin hissələrini partlatmaq və məhv etmək üçün istifadə edəcəkmişlər. Altı əsgərin öldüyü və çoxlu sayda yaralının olduğu insident zolaq boyunca aparılan əməliyyatlar zamanı İsrail tankının şübhəli olaraq xarakterizə etdiyi hədəfə atəş açması nəticəsində baş verib.
Tank iki mərmi atıb, onlardan biri hədəfə, digəri isə işıq dirəyinə dəyib, plandan təxminən otuz dəqiqə əvvəl partlayışa səbəb olub və əsgərlər həlak olub.
İDF-nin partlayışla bağlı ilkin təhqiqatına əsasən, tunel sistemində vaxtından əvvəl baş verən partlayışa tanklardan atəş açılması səbəb olub. İsrail ordusu "dost atəşi" və qəzalar nəticəsində onlarla əsgərini itirib.
Musavat.com
