İranda molla rejiminin əleyhinə aksiyalar davam edir.
Musavat.com xəbər verir ki, ötən gün İranın Buşehr, Həmədan, Sənəndəc, Kamyaran, Rəşt, İlam, Təbriz, Tehran, Məşhəd və bir sıra şəhərlərində etiraz aksiyaları keçirilib.
Etirazlarda “Kürdüstandan Tehrana qədər canımız İrana fəda olsun!”, “Kürdüstan tək deyil, İran onu dəstəkləyir!", “Diktatora ölüm!”, “Azadlıq!”, “Bu il başqa ildir, Seyid Əli devrilibdir!” və digər şüarlar səsləndirilib.
İranda məktəbli qızlar Xomeyninin şəklini çıxarıb, yerinə Şahın şəklini asıblar. Şagirdlər lövhəyə molla hökumətinə qarşı şüarlar yazıblar: "Xameneyiyə ölüm olsun!", "Uşaq qatili olan Vilayət (dini rəhbər)!", “Bu payız o qədər qan tökdü, yarpaq tökmədi!”, “Uşaq qatili hökumətə ölüm olsun!”.
Musavat.com
