"Time" jurnalının ən nüfuzlu titullarından olan “İlin adamı” nominasiyasında bu dəfə favorit insan deyil, süni intellektdir.
Musavat.com xəbər verir ki, jurnalın hesablamalarına görə, süni intellektin qalib gəlmə ehtimalı 37% təşkil edir və bu göstərici onu Roma Papası XIV Levi və ABŞ-ın keçmiş prezidenti Donald Trampdan daha yüksək sıraya çıxarır.
Reytinqdə ikinci yerdə Nvidia şirkətinin qurucusu və CEO-su Censen Huannq qərarlaşıb — onun şansı 17% qiymətləndirilir. Donald Trampın şansı isə cəmi 7% olaraq göstərilir.
Xatırladaq ki, Tramp ötən il “İlin adamı” seçilmişdi.
Niyə süni intellekt favoritdir?
"Time" jurnalının seçimi çox vaxt təkcə populyarlığa deyil, həm də:
-
cəmiyyətə təsirin miqyasına
-
bu təsirin müsbət və ya mənfi olmasından asılı olmayaraq, yaratdığı dəyişikliklərə əsaslanır. Bu səbəbdən tarix boyu “İlin adamı” titulu müxtəlif şəxslərə — İosif Stalin, Şarl de Qoll, Nikita Xruşşov, Vladimir Putin, Kamala Harris və hətta Teylor Svift kimi fiqurlara verilib.
Bu il isə dünyada ən böyük təsir gücünə malik fenomen — süni intellekt — liderə çevrilib.
"Time" jurnalı bu yaxınlarda Dubayın məşhur “şokolad hədiyyələrini” də BƏƏ-nin “yumşaq güc” aləti kimi qiymətləndirmişdi.
Musavat.com
