"Qalatasaray"ın argentinalı ulduz futbolçusu Mauro İkardi dünən "Qarabağ"la Bakıda keçirilən xeyriyyə matçına görə Azərbaycana təşəkkür edib.
Musavat.com xəbər verir ki, o, bununla bağlı instaqram hesabında paylaşım edib.
"Zəlzələdə zərərçəkənlərə yardım üçün təşkil edilmiş bu oyuna görə Azərbaycana təşəkkür edirəm. İştirak edən hər kəsə minnətdaram", - deyə İkardi bildirib.
Xatırladaq ki, "Qalatasaray"ın 2:1 hesablı qələbəsi ilə başa çatan matçdan əldə olunacaq bütün gəlir Türkiyədə baş verən zəlzələdən zərər çəkənlərə ayrılacaq.
