İsrailin pilotsuz uçuş təyyarəsinin Livana endirdiyi zərbələr nəticəsində “Hizbullah” komandirlərindən biri öldürülüb.
"Report"un xarici KİV-ə istinadən verdiyi məlumata görə, öldürülən şəxs “Hizbullah” Hərbi Hava Qüvvələrinin komandiri Əli Hüseyn Burcidir.
Bu, yüzlərlə “Hizbullah” tərəfdarının yanvarın 8-də qətlə yetirilən “Radvan” qanadının komandirlərindən biri Visam Həsən əl-Tavilin dəfn mərasimi ilə əlaqədar Xirbet Silma şəhərində matəm mitinqi zamanı baş verib.
Burci əvvəllər İdlib vilayətində quldur dəstələrinə qarşı Suriya ordusunun tərəfində vuruşan çevik reaksiya qüvvələrinə rəhbərlik edib.
