Aparıcı-xeyriyyəçi Hacı Nuran Hüseynov Bakıda səfərdə olan məşhur rus şoumeni Maksim Qalkinə pencək hədiyyə edib.
Musavat.com xəbər verir ki, bu barədə Hacı Nuran sosial şəbəkədə məlumat yayıb.
H.Nuran pencəyinin eynisini Qalkin üçün öz əli ilə hazırladığını bildirib:
"Mən öz əl işim olan pencək hədiyyə etdim. Qalkin də mənə lətifə söylədi. Mənim hədiyyəm onun ürəyini, onun hədiyyəsi isə mənim üzümü güldürdü. Bu, hər ikimiz üçün yaddaqalan bir gün oldu".
Xatırladaq ki, ötən gün Bakı Konqres Mərkəzində Rusiyanın populyar yumoristi və şoumeni Maksim Qalkinin konserti keçirilib.
Xalidə Gəray
Musavat.com
