"Hədəfim 4-cü dəfə Avropa çempionu olmaqdır. Sərbəst və yunan-Roma güləşi tariximizdə bunu bacaran yoxdur".
Bunu "Report"a müsahibəsində Azərbaycanın sərbəst güləşçisi Hacı Əliyev 17 - 23 apreldə Xorvatiyanın paytaxtı Zaqrebdə təşkil olunacaq Avropa çempionatı ilə bağlı danışarkən deyib.
Təcrübəli idmançı ötənilki analoji yarışda finaladək irəliləsə də, məğlub olduğunu xatırladıb: "Onu da qeyd etmək istəyirəm ki, bu turnirə 65 yox, 70 kq-da qatılacağam. Çünki bu il dünya çempionatı da keçiriləcək. Mənim üçün əsas hədəf mundial olmalıdır. Orada artıq Yay Olimpiya Oyunlarına lisenziya əldə edə bilərəm. Bu səbəbdən məşqçilərlə məsləhətləşmədən sonra 70 kq-da çıxış etməyi qərara aldım. Ümid edirəm ki, bu çəkidə də uğur qazanacağam".
Hacı Əliyevin müsahibəsinin tam versiyasını buradan oxuya bilərsiniz.
