"Qaemi" qasırğasının yaratdığı tufana düşən yük gəmisi Tayvan sahillərində batıb.
Musavat.com xəbər verir ki, bu barədə Çin Mərkəzi Televiziyası məlumat yayıb.
Qeyd olunub ki, hadisə nəticəsində 9 ekipaj üzvü itkin düşüb.
Tanzaniya bayrağı altında üzən gəminin göyərtəsindəki ekipaj Myanmadan olub.
Məlumata görə, "Qaemi" qasırğası dünən gecə Tayvanı vurub. 3 nəfər təbii fəlakətin qurbanı olub, 200-dən çox insan xəsarət alıb. Cümə axşamı günü baş verən təbii fəlakət səbəbindən Tayvanda qatarların hərəkəti dayandırılıb və əksər reyslər ləğv edilib.
Musavat.com
