Sentyabrın 26-da Yalovanın Çınarcık məhəlləsində 5-ci mərtəbədəki mənzilinin pəncərəsindən yıxılaraq dünyasını dəyişən tanınmış sənətçi Güllünün (Gül Tut) ölümü ilə bağlı aparılan istintaq davam edir.
Musavat.com bildirir ki, istintaq çərçivəsində mərhum sənətçinin qızı Tuğyan Ülkem Gülter və onun rəfiqəsi Sultan Nur Ulu Yalova Təhsil və Araşdırma Xəstəxanasında narkotik testindən keçib.
Test zamanı onları vəkilləri və polis müşayiət edib.
Tuğyan Ülkem Gülter xəstəxanadan çıxarkən jurnalistlərə açıqlama verib:
“Öz razılığımızla gəldik və lazım olan analizləri verdik. Özümüzdən tam əminik. Nəticələr çıxanda vəkillərimiz bu barədə ictimaiyyətə bildirəcək”.
Musavat.com
