Qazaxıstandan qayıtdıqdan sonra jurnalistlərin suallarını cavablandıran Türkiyə prezidenti Rəcəb Tayyib Ərdoğan Avstriya ilə oyunda Bozqurd işarəsi tutduğu üçün UEFA tərəfindən iki oyunluq cəzalanan Merih Demiraldan danışıb.
Musavat.com xəbər verir ki, bu barədə “Haber Global” məlumat yayıb.
“Kimsə almanların formasında qartal var deyirmi? Fransızların formasında xoruz var, niyə xoruzlanırsan deyirmi? Baş vermiş olayla bağlı Xarici İşlər Nazirliyimiz dərhal hərəkətə keçdi, onların rəsmiləri ilə əlaqə yaratdı və lazımi addımlar atıldı”, - Ərdoğan açıqlamasında deyib.
Musavat.com
