Fransanın bir sıra dəniz kənar ərazilərinin (Qvadelupa, Qviana, Martinika və Reunion) regional şuralarının rəhbərləri Parisdən Yeni Kaledoniyada iğtişaşlara səbəb olan seçki siyahılarının genişləndirilməsi ilə bağlı qanunun qəbulu prosedurunu dayandırmağı tələb ediblər.
Musavat.com xəbər verir ki, müraciətin mətnini X-də (keçmiş Twitter) Reunion regional şurasının sədri Yuget Bello dərc edib.
O yazıb: "Biz, xarici ərazilərin seçilmiş nümayəndələri, rəsmi olaraq hökumətdən Yeni Kaledoniyada seçkilər üçün seçki orqanlarının strukturunun dəyişdirilməsinə yönəlmiş konstitusiya islahatı qanun layihəsini dərhal geri götürməsini xahiş edirik".
Müraciətin tam mətnində deyilir ki, Fransa parlamentində müzakirə olunan qanun layihəsi “Noumea və Matinyon sazişlərinin ruhuna və hərfinə xəyanət edir”.
Eyni zamanda, Yeni Kaledoniyaya polis və jandarmların əlavə qüvvələrinin göndərilməsi və iğtişaşlara cavab olaraq məhdudlaşdırıcı tədbirlərin tətbiqi, onların fikrincə, problemin “həllini tapmağa imkan vermir” və zorakılığın növbəti spiralına səbəb ola bilər. Regional şuraların rəhbərləri hesab edirlər ki, vəziyyətin yalnız siyasi nizamlanması, daha doğrusu, müvafiq qanun layihəsinin qəbulundan imtina etməklə mümkündür.
Mayın 13-də Yeni Kaledoniyanın paytaxtında yerli seçkilər üçün seçici siyahılarının genişləndirilməsi ilə bağlı Fransa qanun layihəsinə etirazlar iğtişaşlara çevrilib. Onların çoxu azyaşlı olan iştirakçıları mağaza, aptek və yanacaqdoldurma məntəqələrini qarət edərək yandırıblar. Fransa rəsmiləri yüzlərlə itki olduğunu bildirib, altı nəfərin də öldüyü təsdiqlənib. Yeni Kaledoniyada mayın 15-də 12 gün müddətinə fövqəladə vəziyyət elan edilib, liman və hava limanlarının mühafizəsi üçün hərbçilər gətirilib.
Musavat.com
