Culian Assanj 2006-2016-ci illər arasında 10 milyon civarında məxfi sənəd yayan və bu sənədlərin yayımı üçün WikiLeaks adlı sayt quran avstraliyalı internet fəalıdır.
Dünya mediyası onu 2010-ci ildə Amerika Birləşmiş Ştatları rəhbərliyinin fəaliyyəti barədə minlərlə məxfi sənədləri yaymağa başlamasından sonra tanıdı.
Elə bundan sonra da onun üçün uzun və məşəqqətli, bir çox romanlara və filmlərə mövzu olacaq, risklər, sensasion gəlişmələrlə dolu bir yolu başladı. Belə ki, bu yol onu Londondaki Ekvador səfirliyində 7 illik siyasi sığınacaq almağa, daha sonra Londonun Belmarş həbsxanasında tək nəfərlik hücrədə məhbus həyatı yaşamağa və Amerika Birləşmiş Ştatları hökuməti ilə illərlə çəkəcək ekstradisiya mübarizəsinə qədər gətirdi.
Aytən Abbaslı,
Azərtac
