Cənubi Koreya hökuməti aşağı doğum əmsalı tendensiyasını aradan qaldırmaq üçün tədbirlər açıqlayıb. Musavat.com xəbər verir ki, bu barədə məlumatı Yonhap Agentliyi yayıb.
Prezident Yoon Suk-yeol bildirib ki, ölkədə fövqəladə vəziyyət elan olunur: “Bu gündən biz rəsmi olaraq əhaliyə fövqəladə vəziyyət elan edirik. Biz aşağı doğum problemi həll olunana qədər milli hərtərəfli cavab sistemindən istifadə edəcəyik”.
Cənubi Koreya səlahiyyətlilərinin məqsədi dünyada ən aşağı səviyyədə qalan doğum nisbətini bərpa etmək üçün iş-ailə balansı, uşaq baxımı və mənzil də daxil olmaqla üç əsas sahədə intensiv dəstək verməkdir.
Xüsusilə ehtiyac yarandıqda valideyn məzuniyyətindən istifadənin asanlaşdırılması, ibtidai siniflər başa çatana qədər qayğıya dövlətin məsuliyyət daşıdığı bir sistemin yaradılması, yeni evlənənlər, yeni analar və uşaqları olan ailələrin mənzil təminatının əhəmiyyətli dərəcədə artırılması nəzərdə tutulur.
Prezident Yun Seok-yeol-un sədrliyi ilə keçirilən iclasda keçən il 0,72-yə enən ümumi doğuş nisbətini 2030-cu ilə qədər 1-ə çatdırmaq qarşıya məqsəd qoyulub.
Musavat.com
